Huku
habari zikisema Simba na Yanga zinapigana vikumbo kumuwania Mohammed
Issa ‘Banka’, klabu ya mchezaji huyo Mtibwa Sugar imesema ruksa kiungo
huyo kuondoka ila afuate masharti.
Pamoja
na Simba kuhusishwa na mchezaji huyo, kiufundi Yanga ndiyo yenye nafasi
kubwa ya kumsajili kiungo huyo kutokana na uhaba wa wachezaji wa aina
yake iliyonayo kuliko Simba.
Kocha
wa Mtibwa Sugar, Zuberi Katwila amesema; timu yoyoye inayomuhitaji
kiungo huyo ifuate taratibu za uhamisho ambazo zinafahamika na wao
hawana kinyongo.
Mtibwa
ni klabu ambayo imekuwa ikitoa wachezaji wengi na wenye vipaji kwenda
timu kongwe za Simba na Yanga kwa miaka kadhaa sasa.
“Banka
ni mchezaji wetu halali, hivyo kama kuna timu inamuhitaji taratibu
zinafahamika cha msingi wafuate hizo taratibu na siyo kupitia njia
ambazo si halali. Hatuwezi kuzuia riziki yake.
“Hata
mchezaji mwenyewe anajua mkataba wake unasemaje na sisi na kama akipata
timu nini anatakiwa kufanya, hatuna tatizo naye na hata timu
inayomuhitaji.
“Kwa
upande wangu sina mpango wa kusajili mchezaji yeyote kwa sababu kikosi
chetu ni kipana, zaidi sasa hivi tunapambana kurekebisha upungufu
uliojitokeza katika mechi tisa tulizocheza,” alisema Katwila.
