Uongozi wa Azam FC umetangaza kuachana na kocha wake mkuu Stewart Hall, baada ya makubaliano ya pande zote mbili kufikia kikao kilichofikia maazimio hayo
.
Mtendaji mkuu wa Azam FC, Saada Kawemba amesema wamefanya hivyo kwa ajili ya kumpa nafasi kocha huyo kuendelea na mipango yake mingine ya ya kutafuta kazi sehemu nyingine kama alivyosema anataka kutafuta changamoto sehemu nyingine.
“Tumeamua kumalizana na kocha Hall, kwa makubaliano maalumu ya pande zote mbili na kuanzia leo Hall siyo kocha wetu na timu yetu itakuwa chini ya kocha msaidizi Dinnis Kitambi katika mechi zetu mbili zilizo baki ile ya mwisho ya ligi ya Vodacom dhidi ya Mgambo JKT na nyingine ni ile ya fainali ya Kombe la FA dhidi ya Yanga ambayo itapigwa Juni 11.,”amesema Kawemba.
